Jul i kule #2

Til jul i 2018 laga eg to nye julekuler til å ha på juletreet. Først ute var ein Mummikule-variant.

- Mummihuset i kule -

- Litt av prosessen -

***

På Søstrene Grenes har eg fått tak i julekuler i klar plast i forskjellig storleik, som ein kan åpne og legge kva man vil inni. I denne kula valte eg eit Mummitema. Huset har eg laga av pappkjernen som er inni ein smell bonbon. Kjernen er kledd med blå kartong og taket er laga med utgangspunkt i ein raud sirkel skjært ut i kartong. Inngangspartiet er laga i kvit papp og tusja på plankedetaljar. Vindauga er klipt ut av kvite klistrelappar og her er det også tusja på litt detaljar. Duploklossen gir eit inntrykk av kor lite huset er. Inni kula valte eg og å setje ein liten kvist som eg malte litt snø på. Saman med den kunstige snøen som er dryssa rundt huset og på taket, er dette med på å illustrere eit landskap rundt Mummihuset.

Julekule #3 vil eg komme tilbake til i eit seinare innlegg :-)

GODT NYTT ÅR!

Nostalgi

Minstemann i huset har fått seg ny seng. Det vil seie at han har fått seg ei større seng som er ny for han, for senga i seg sjølv er nok nærmare 80 år gamal. Farfar til minstemann har sove i denne senga som barn, og pappaen til minstemann har sove i den, pluss ein heil del andre . Noko anna som er litt artig er at eg, mammaen til minstemann, har sove i ei nærmast identisk seng då eg var lita, og som min morfar laga til sine born.

Begge sengene var i si tid oransje, men er måla kvite no. Senga til minstemann hadde behov for ein liten oppfriskning med måling før den vart teken i bruk, og me klistra på nokre wallstickers for å "pimpe" den opp litt. Med større seng følgjer også større dyne. For nokre månader sidan sydde eg eit nytt sengesett til den nye dyna. Eg prøvde å gjere det så likt som sengesettet eg broderte og sydde til sprinkelsengdyna for fleire år sidan:

- Nytt sengesett -

 - Gamalt sengesett med broderi -

- Trekkutsenga -

Minstemann synest det er stor stas å ha fått seg seng som han klarer å klatre oppi og utav sjølv. Og mor i huset håpar han skal synast det er stor stas ei god stund, slik at senga får bli verande nokre år før ho ikkje er tøff nok lengre. For meg er det ei seng med sjel i ;-)

Luciatog i hekla utgåve

Eg har aldri gått i Luciatog. Ei forklaring på det kan være at eg heller aldri har gått i barnehage. Men, no har eg nesten fått draumen oppfylt. Eg har hekla meg mitt eige Luciatog. Du ser vel visse likhetstrekk? 😉

***

- Det ferdige Luciatoget -

***

Hekla babyrangler til to prinsesser

To babyrangler er klare til avlevering. Den eine skal eg gi i gåve sjølv, medan den andre har eg fått i oppdrag å hekle. Eg må jo innrømme at det er stas når nokon vil betale for tinga eg lager og gi i gåve til nokon dei er glad i :-) Eg håper ranglene fell i smak hjå mottakarane!

- Rangle med rosa striper -

- Rangle med gule striper -

***

***

Ranglene er hekla i bomullsgarn går Søstrene Grene, og auga, så kalla safety eyes, er kjøpt på etsy.com. Dei skal være umoglege å dra av på grunn av låsemekanismen ein heng auga fast med. Ranglene er fylte med vatt, og inni hovudet er det hekla inn ei bjølle som gir fin lyd i rangla når ein beveger på henne. 

Monstergenser til storebror

Også storebror fekk seg ein ny genser i sommar. Denne har motiv med små monster på. Då eg spurde kva farge storebror ville ha på halsutskjæringa og mansjettane, og viste han alternativa han hadde å velje i, svara han alle fargane eg viste han. Resultatet vart då raud halsutskjæring og blå og grøn mansjett på kvart sitt erme. Desse detaljane gjer heile genseren, synest eg.

- Genseren i bruk -

💙💚💙

Genser med bondegårdsmotiv

Vesle broremann fekk seg ein ny genser med tilhøyrande pannebånd til tidleg i sommar. Motivet av bondegård med blant anna traktorar på, fall i god smak hjå mottakaren, og den har blitt flittig brukt i sommar. Genseren er sydd i jersey stretch frå Stoff & Stil. Mønsteret er også kjøpt her.

 💙 Vesle broremann med genseren på 💙

💙💙💙

Sommarleg bluse

Eg har sydd meg ein sommarleg bluse med utgangspunkt i eit mønster frå Stoff & Stil. Eg er glad i blomar som mønster på klede, så valet på stoff fall på eit lyst og lett bomullstoff med små blomar på som dekor. 

- Ferdig produkt -

Bluse foran

Bluse bak

***

Knyting i livet

Trykknappar framme

- Blusen i bruk -

Blusen er ganske vid i passformen, så eg valte å sy eit tynt belte til å knyte rundt livet slik at midjen blir meir framheva. Utan belte er blusen fin å ha nedi skjørt og bukser, og eg syns den eignar seg fint både til kvardags og fest.