Kattar til fastelavn

På "Søstrene Grene" sine Facebooksider er det lagt ut ein diy-video av korleis ein kan lage fastelavnskattar. Inspirert av denne, fekk storebror i huset lage sine eigne versjonar i dag. Eg teikna opp to malar og overførte til svart kartong, som eg så klipte ut.  Deretter fekk storebror på 4,5 år slå seg laus heilt på eiga hand med dekoreringa. Eg må seie at resultatet blei veldig bra:

***

No vil eg lage mine eigne kattar også ;-)

Vesker/handlenett

Etter å ha måtte avlyse standen min på julemessa i Saudahallen i 2015, sit eg att med ein del  praktiske vesker/handlenett. Dei er sydde i kraftig bomullsstoff og har kraftige hankar i ripsband, slik at dei bør tole ein del tyngde. Veskene er også fóra, og inneheld ein innerlomme samt ein ytterlomme. Knappane, som eg har trekt i stoff som går igjen i dei forskjellige ytterlommane, er prikken over i-en på desse veskene, samstundes som dei har ein praktisk funksjon.

 - "Flower power" -

***

- "Patina" -

- "Eple" -

Juleforberedingar 3 - I januar!

Sjølv om vi no er komne til januar 2016, vil eg no legge ut nokre bileter av fleire produkt som var tenkt skulle seljast på julemessa i Saudahallen før jul i 2015.

- Pepparkakehus i papp og papir -

- Pepparkakehus i filt -

***

Juleforberedingar 2 - Juletrær

Kalenderen viser 1. desember - JULEMÅNADEN! Og, her i huset går det mykje i jul for tida. Eg hadde  mellom anna store planar om å delta på julemessa i Saudahallen, i heimbygda mi Sauda, forrige helg. Men, diverre la omganssjuke i huset ein stoppar for desse planane. Etter å ha lagt ned ein heil del tid og arbeid i å lage nye ting til nettopp denne messa, var det ekstra trist å måtte melde avbod! Eg håpar på å komme sterkare tilbake neste år! I dei neste blogginnlegga frametter vil eg vise noko av det eg har laga den siste tida, som skulle ha teke turen til Saudahallen:

- Vinterskog -

- Dekor på lysfat -

- Bilete -

***

Juletrea har eg klippa ut av kvit filt. Deretter har eg sydd på snøfnuggborder med sølvtråd på symaskin. Stammane med fot er saga ut av gran. Rhinsteinar i forskjellige former og fargar er limte fast som juletrepynt.

Juleforberedingar 1 - Fyrstikkeskenissar

Kalenderen viser no november månad, og det nærmar seg sakte men sikkert jul. Ja, ja, sakte og sakte; tidlegare erfaringar fortel meg jo at tida frå byrjinga av november og fram til adventstida går skummelt fort! Difor er eg tilhengar av å vere tidleg ute med ein del juleforberedingar. I år har eg planar om å være med på ei julemesse i heimbygda mi Sauda. Eg må berre få somla meg til å melde meg på. Eg har delteke på nokre julemesser tidlegare år også, så eg eg har ein del ting liggande som eg vil prøve å selge, men så har eg lyst å lage litt nye ting også. Dagens prosjekt har vore å lage fyrstikkeskenissar:

- Fyrstikkeskenissar -

- Inspirasjon -

Fyrstikkeskenissane er inspirert av ei leike eg

 kjøpte for fleire år sidan - ei mus som ligg oppi ei 

fyrstikkeske laga av tre, frå merket "Maileg".

- Litt prosess -

Det byrja med ein piperensar og ei lita trekule. Piperensaren forma eg til slik at eg enda opp med noko som ser ut som bein, kropp, og armar. Deretter surra eg garn i forskjellige fargar rundt piperensaren. Jakken og lua er laga av filt, og lua har fått ei lita bjølle i toppen. Oppi fyrstikkeska er det sydd ei lita madrass, pute og dyne med blonde på. 

Nye antrekk til go'gutane

Eg synest det av og til kan være koseleg å kle borna i like klede, og ser at storebror óg, enn så lenge, synest det er litt stas når han og litlebror matchar kvarandre. I vår sydde eg difor like genserar og bukser til go'gutane, som eg endeleg får blogga om no. Buksene er sydd i eit fint bomullsstoff som eignar seg fint til å sy vårlege og sommarlege klede av. Genserane er sydde i deilig jersey som det er god stretch i. Storebror fekk velje knappar til begge buksene og var storfornøgd med dinosaurmønsteret på genserane! Og, litle broremann, han smiler og er no fornøgd uansett kva mamma måtte finne på å kle han i (enn så lenge) ;-)

- Storebror -

- Brødre -

- Litle broremann sine bukser -

***

Luer og pannebånd til storebror

Tidleg i vår laga eg to nye vår- og haustluer, og eit pannebånd til storebror i huset. Lite visste eg då at dei ville være like aktuelle å bruke midt på sommaren! Storebror er svært glad i traktorar og gravemaskinar. Ja, stort sett alt som har hjul og kan køyre, grave og heise opp engasjerer storebror. Tema for luene vart difor nettopp traktor, medan pannebåndet skil seg ut med musikk som tema.

 - Blå traktorlue -

 - Raud traktorlue med navn -

- Pannebånd -

***

Eg må til slutt få tilføye eit bilete av storebror med raud traktorlue på pappa sin gamle, raude Massey Ferguson traktor. Traktoren nærmar seg 40 år, men har blitt teken fram frå gløymselen, og nyt no merksemda den får hjå ein ny generasjon ;-)