Fire nye elefantar

Fire nye elefantar berekna til vognpynt er ferdige.

"Hippiefanten"

"Blomsterfanten"

"Elefanten"

"Rutefanten"



Prosjekt barnerom: Pute til stolen i lesekroken

Barnerommet til go'guten byrjar å ta form, men det dukkar stadig opp nye idear til ymse prosjekt der inne. Siste tilskot er ei elefantpute til den gamle lenestolen i lesekroken. Målet var at puta skulle stå i stil med elefanturoen eg laga for ei tid tilbake.

Tre elefantar er applikert på puta.

Her høyrer puta til; i lesekroken :)

Puta i sovekroken. Uroen i taket og puta er
sydd av same type tøy for å matche kvarandre. 

"Prikkefanten" - ein elefant til barnevogna

På arbeidsrommet/kontoret har eg to plastkassar med tøy som berre ventar på å bli teke i bruk. I fleire år har det faktisk lege slik og venta. Difor passar det bra at eg framleis er i elefantmodus. Dei passar ypperleg å sy når ein vil bruke opp gamalt restetøy, ja, og nytt tøy også, for den saks skuld :) . Nedanfor er eit eksempel på ein turkis elefant med kvite prikkar. Derav namnet "Prikkefant"...

Elefanten held hus i ei eske som liknar han sjølv 

Ei lita bjølle er festa på opphengstråden for å lage lyd når ein kjem borti elefanten

Frå dåpskake til bilete

Eg er så heldig å ha ei svigerinne som lagar fantastisk flotte og, ikkje minst, gode kaker. Hennar kakeferdigheter kom godt til nytte då go'guten vår blei døypt i haust. Resultatet vart ei vakker marsipankake med flotte detaljar på som fortente å bli teke vare på, i allefall så lenge det lar seg gjere. Så langt ser det ut til at marsipanen berre blir knallhard etter å ha tørka godt:

Dei flotte og detaljrike skoa valgte me å ramme inn i ei "Ribba-ramme" frå IKEA. Den var akkurat djup nok til det vesle skoparet:

Skoa limt på eit dekorativt ark med ugle på, og deretter sett inn i ramma

Babykort

I dag har eg laga eit babykort til ein liten gut som er så ny i verda at eg ikkje har fått møte han enno. Men, forhåpentligvis blir det ikkje så alt for lenge til...

Framsida av kortet

Eg har ikkje akkurat vore veldig utradisjonell i fargebruk, og har valt å la kortet til den velste guten gå i forskjellige nyansar av blått. Vogna er laga av ein sirkel som eg har klipt eit "kakestykke" av. Deretter har eg klistra på eit band med hjarter for lettare å skilje skuggen frå resten av vogna. Eit par knappar er brukt som hjul. Rundt vogna er det limt på forskjellige typar av Rhinstein for å plassere vogna i ein form for eit miljø. Kanskje det er snakk om ein trilletur i ei eng av blomar ein deilig vårdag...?

Utsnitt av kortet

Vognpynt

Eg er framleis inne i babyleikemodus, og har ikkje slutta med å lage små elefantar. Men, for å prøve noko litt anna, teikna eg eit mønster av ein katt som eg også ville lage vognpynt/vognleike av:

Mønsteret av katten



Det ferdige resultatet

Katten har fått ein lapp på rumpa, og ei bjølle rundt halsen som lagar lyd når ein kjem borti. Rundt heile katten er det sydd tungesting i mørkblå broderitråd.

Prosjekt barnerom fortset

Go´guten vår treng meir lys på rommet sitt. Han treng ein lampe som ikkje gjer alt for sterkt lys. Eg kom på ein gamal utgått Ikealampe me hadde ståande på loftet. Etter å ha teke ein rask kikk på den, tok det ikkje lange stunda før eg innsåg at den trengde eit aldri så lite "ansiktsløft". Det kom i form av farga papir, lim og ei bittelita, raud marinøne...

Slik blei resultatet





Slik såg lampa ut før

Nærbilete av skjermen