Ny t-skjorte til storebror

Storebror i huset vart, for nokre veker sidan, fem år gamal. Sidan litlebror fekk ein sjølvsydd krokape til sin toårsdag tidlegare i sommar (sjå tidlegare blogginnlegg), ville eg at også storebror skulle få noko eg hadde laga sjølv. På grunn av ferie måtte dette skje dagen før bursdagen, det var då eg hadde tida til det. Det måtte med andre ord bli noko som går fort å sy. Eg endte opp med å sy ei t-skjorte i jerseystretch i freshe fargar og med fine teikningar av dyr på. Gåva fall heldigvis i smak hjå femåringen :-) Både mønster og stoff er kjøpt på Stoff & Stil.

- T-skjorta i bruk -

 ***