Sengesett ein liten prins verdig

I Stoff & Stil sin boligkatalog for høsten 2014 la eg merke til eit barnesengesett eg berre fall for med ein gong eg såg det:

- Inspirasjon -

Det blå sengesettet i frå katalogen

I mine auge er det berre heilt nydeleg! "Dette skal eg sy", sa eg til meg sjølv, og tenkte det skulle bli ei enkel og rask oppgåve. Det var før eg skjøna at det nydelege bandet som er sydd på ikkje kunne kjøpast ferdig, men skulle broderast for hand. Kveldane etter at minsteguten kom til verda gjekk dermed til å brodere. Sengesettet er sydd etter eigne mål, men eg har tatt utgangspunkt i biletet ovanfor.

Sengesettet er sydd i to forskjellige bomullsstoff i herleg, mjuk kvalitet. Godt og mjukt inntil ein liten barnekropp. Vidare følgjer ein del bileter av det ferdige resultatet:

- Resultat -

- Utsnitt -

Eg valte å sy på biseband rundt putetrekket

- Sengesett ein liten prins verdig -

Då må berre minsteguten vekse ut av vogga slik at han får sove her

Handlenett for miljøet si skuld...

...og for å unngå dette på kjøkenet:

Dørhandtaka på kjøkenet fungerer litt for godt som
knaggar, og då endar gjerne påsane opp slik ei stund

***

Heime hos oss prøver me så godt me kan å tenke på miljøet. Me er ganske gode på å sortere søpla vår, og når me handlar har me med oss handlenett. For fleire år sidan fekk me tre tøynett på eit Iittala-utsal i Sverige då me handla der, og dei fann me ut var supre å bruke som handlenett. Men, me klarte diverre å miste to av dei. Då blei det til at eg brukte måla på det me fortsatt hadde att og sydde nye. Eit med lomme på utsida, og eit utan lomme:

***

***

Overlocksaumen er nytta som 

dekor på hankane

Netta er sydd i eit tjukt lerretstoff kjøpt på Ikea, så dei skal vere ganske solide. Sidan både mor og far i huset skal bruke desse handlenetta prøvde eg, etter beste evne, å gjere dei så kjønnsnøytrale som muleg. Far i huset har godkjent dei, så då har eg vel lukkast med det...

Nye antrekk til go'gutane

Vesle broremann i huset har byrja å sove fleire timar i strekk om dagane, noko som gjer at ho mor får tid til å sysle med diverse kreative prosjekt. For tida er det symaskinane som blir flittig brukt. Det har blant anna resultert i nokre nye bukser til begge gutane. Storebror har óg fått seg ein genser som står i stil til buksa:

Storebror

***

***

***

Vesle broremann

***

***

Som vanleg har eg klart å sy kleda noko store, men då har dei noko å vokse i ;-)

Pepparkakehus

Det har blitt tid til meir juleverkstad her i huset. Denne gongen har eg kosa meg med å sy fire små pepparkakehus til å ha på juletreet eller ei grein eller liknande. Knappane skal forestille "Non Stop" som taka er pynta med. All den kvite saumen er sjølvsagt melisglasur ;-)

Fire hus på rekke og rad



***

***

Som pynt på ei grein

***

Pepperkakehusa ligg no ute for salg på butikken min på "epla.no", og då blir dei levert i ein cellofanpose. Så får me berre sjå om dei får seg nye eigarar til jul...

Det nærmar seg jul...

JULA har ein spesiell plass i mitt hjarte. Når eg høyrer dette korte ordet dreg tankane meg gjerne med tilbake til min barndoms jul. Eg er så heldig at det er mange GODE minner som dukker opp. Eit av minna er gleda med å ha juleverkstad. Opp igjennom åra har det blitt mange juleprosjekter, og i år kan ikkje bli noko unntak. I går gjekk startskotet for årets juleverkstad her i huset:

-Julekort-

***

-Gåvelappar-

***

Desse produkta vil bli lagt ut for sal på butikken min på Epla.no. Sjekk gjerne ut epla.no/shops/kortogannagodt . Under overskrifta "Kjøpe noko?" litt lenger oppe og til høgre på bloggen, ligg det ein direkte link til epla.

Dåp

Minsteguten i huset feira dåpsdagen sin på søndag. Sidan me har plass til det, var det svært koseleg å få feire denne store dagen til lillebror heime i vår eiga stove. Litt diverse "dåpsstæsj" måtte også underteikna lage ;-) . Vidare følgjer ein liten stemningsrapport i form av bileter:

 -Borddekking-

- Gjør-det-selv-stæsj-

***

***

-Dåpskaka-

Denne flotte dåpskaka skal eg på ingen måtar ta æra for! Den har svigerinna mi laga. Eit lite kunstverk som nesten var for flott til å etast.