Produkt til julemesse #3

Laurdag den 26 november, frå kl. 10.00-16.00, er det julemesse i Saudahallen. Eg skal ha ein stand der, og vidare følgjer nokre glimt av det eg vil prøve å selje. Eg kan nevne at juleornamenta i steingods, som det er bileter av rett under her, er dei siste produkta eg har laga som får bli med på årets messe. No setter eg sluttstrek for fleire produkt, så blir det spanande å sjå om dei vil falle i smak hjå andre ;-) . Då er det berre å håpe på godt oppmøte og god stemning på laurdag...

- Juleornament i steingods -

***

- Akvarellar til barnerommet -

"Tommelise" av H.C. Andersen

"De tre bukkene Bruse i solnedgang"

"Den ene bukken Bruse"

- Fuglehus -

- Fyrstikkeskenissar -

- Gåvelappar -

- Pepparkaketre -

Produkt til julemesse #2

Det jobbes febrilsk mot julemessa som eg skal delta på førstkommande laurdag! Siste tilskot på produktfronten er puter med store knappar på. Rundt putene har eg sydd på biseband, for å få ein kontrast til det mørke møbelstoffet sjølve putene er sydde av. Denne detaljen skapar også eit samspel med dei store knappane som er festa på putene. Vidare følger nokre bileter av nokre av dei ferdige produkta:

- Puter med tekst på knappar -

***

***

***

Putene har knappar på begge sider, og på den eine sida er det knappar med tekst på. Teksten er overført til tøyet som er brukt på knappane med "rammelim". Deretter har eg trekt aluminumsknappane med dette stoffet. Slik kan ein lage seg personlege knappar som ingen har maken til...

Produkt til julemesse #1

Eg har meldt meg på ei julemesse i heimbygda mi, Sauda, og då må eg nødvendigvis ha diverse produkt å selje. Eg vil i blogginnlegg framover vise noko av det eg vil prøve og selje på julemessa i Saudahallen siste laurdagen i november. Her kjem første innlegg:

- Seks portemonetar -

***

For sikkert over eitt år sidan no, sydde eg fleire vesker/nett med dekorative lommar og knappar på. No har desse veskene/netta fått seg matchande portemonetar til å ha pengar, sminke eller andre småsaker oppi. 

- Tre portemonetar med kvar si veske -

***

***

- Tre portemonetar utan veske -

***

***

Genser med vintermotiv til storebror

Eg har sydd ein ny genser til storebror, denne gongen med eit mønster som passar godt til årstida vi no snart går inn i; vinter (med eit streif av jul). Som vanleg er stoff og mønster kjøpt på Stoff & Stil.

- Genser til storebror -

 ***

- Storebror med genseren på -

***

Traktorlue til minsteguten

Storebror fekk seg ei lue med ein traktorknapp på for over eit år sidan, og no har litlebror fått seg ei ganske lik ei. Medan storebror har ei raud lue med sitt namn på, har litlebror fått seg ei blå ei med sitt navn på. Traktoren, den viktigaste detaljen for go'gutane, er raud på begge sine luer.

- Minste go'guten med lua på -

***

Kortbukse til jente

Med berre gutar i hus, må eg erkjenne at det av og til klør litt ekstra i fingrane etter å sy noko litt meir "jentete". Då minstemann var litt under året gamal, sydde eg ei baggy kortbukse til han som kan brukast heile året. Med ei strømpebukse under kan den fint brukast om vinteren også. Eg fekk lyst å sy ei liknande kortbukse i ei meir feminin utgåve. Buksa er sydd slik at ho er like fin på vranga. Slik sett kan den brukast på begge sider.

 - Ferdig resultat -

- Innsida ut -

- Med knappar -

***

Eg har ingen modell å vise kortbuksa på, men har prøvd å ta eit bilete som kan vise ein måte å bruke den på, etterfulgt av eit bilete av minstemann i si bukse, som også viser korleis fasongen på buksa tek seg ut...