Portemonet

På Stoff & Stil sine heimesider fann eg gratis mønster på tre portemonetar i ulike storleikar. Planen er å sy alle tre, og her kjem nokre bileter av den første og minste modellen eg har sydd:

 

 

***

 

 

 



Dersom ein ønsker å bli kvitt rester av tøy ein måtte ha liggande, passar det å sy ein portemonet ypparleg. Det er ikkje så mykje tøy som skal til. Det prikkete tøyet eg har brukt på utsida av portemoneten er i frå eit ubrukt kjøkkenhandkle kjøpt på Ikea for mange år sidan. Det svarte fòrstoffet har også, endeleg, fått kome til sin rett etter å ha lege på vent i årevis...

Babysett

Go'guten skal bli storebror i sommar, og eg har fått sylysta over meg. Det har resultert i eit babysett beståande av bukse, lue og smekke i mjuk jerseystretch. Eg prøvde å forminske storleiken på buksa frå 0.5 år til nyfødt, og lua er sydd etter eige hovud. Så vil tida vise om dei vil passe...

GOD PÅSKE!

Kvar jul og kvar påske har eg som mål å lage noko pynt sjølv, og denne påska har eg jammen meg klart å gjennomføre nettopp dette. Resultatet blei nokre lyslykter i vårlege fargar. Dei var veldig enkle og kjekke å lage.

Utstyr:

***

Resultat:

God Påske!

Ny vårlue

Det går mot varmare tider, og go'guten har fått seg ei ny vårlue. Lua er heilt einsfarga, og for å gjere ho litt meir spanande sydde eg på ei stjernebord. Den viktigaste detaljen for go'guten sjølv er nok Mikke Mus-knappen. Han er nemleg stor fan av nettopp han!

Veske til Epla sin "Sew-along"

Eg har akkurat sendt inn mitt bidrag til Epla sin sew-along konkurranse. Her skulle vi ta utgangspunkt i eit gratis veskemønster frå Stoff & Stil. Ellers sto vi fritt til å gjere det vi sjølv ville med utforminga. Her følgjer nokre bileter frå mitt bidrag:

***

Blomen, eit foto teke frå eige blomsterbed, er overført til stoffet på lommen ved hjelp av den nye trykketeknikken med rammelim som eg nettopp har lært meg å bruke. Fotoet vart først bearbeida i Photoshop, der eg og la på sitatet til H. C. Andersen.  Deretter speglvenda eg det og skreiv det ut. Rammelim vart pensla på utskrifta og deretter lagt med limsida ned på stoffet eg skulle sy lomma av. Slik låg det og tørka i eit døgn, før eg strauk over det med strykejernet i fem minutter. Etter 15 minutter liggande i vatn starta arbeidet med å rulle papiret forsiktig av slik at motivet kom fram.

***

På veska si "bakside" har eg sydd på avblomstra Løvetannblomar i forenkla utgåver ved hjelp av forskjellige dekorsaumar eg har på symaskina mi. Her kan ein eksperimentere i det uendelege...

***

Veska er fóra med eit fargerikt blomstrete stoff. Det same er hankane. Det er også sydd på ein liten lomme til å ha småting oppi. Målet mitt då eg starta på prosjektet var å sy ei sommarleg veske, no som vi går mot lysare og varmare tider...

To nye leikebukser til go'guten

Go'guten har fått seg to par nye bukser som skal være komfortable og praktiske å leike i. Same mønster og tøy ligg til grunn for dei begge, men pynten og linninga varierer. Først ut er ei bukse med store lommar, som kan romme mange hemmeligheter...

***

Pute til dukkevogna

Den eine av dei tre utprøvingane eg laga med rammelim for nokre veker sidan har no blitt til ei pute go´guten kan ha i dukkevogna si. Puta er samstundes ein prøvelapp når det gjeld å utforske den nye symaskina. Så, heilt perfekt sydd er ho ikkje...

***