Hekla babyrangle til minsteguten

I boka "Kreativ mamma - bloggernes beste hobbyprosjekter" av Karine Østtveit, fann eg ei oppskrift på ei fin babyrangle utforma som ein apekatt. Denne har eg no prøvd å lage sjølv. Den vart på ingen måte like flott som den i boka, men øving gjer meister, eller noko slik...;-)

-Ferdig resultat-

-Rangla "in action"-

Eg ser at handtaket på mi rangle, av ein eller annan grunn, smalnar litt for mykje på slutten, slik at hovudet blir litt vel tungt å halde oppe av den spede kroppen. Resulatet er difor ein apekatt som ser noko trist og lei seg ut. Neste gong vil eg lage kroppen litt kortare og vidare. Eg vil og prøve å hekle litt stramare slik at vatten inni ikkje viser så godt gjennom hola. Minstemann var no uansett storfornøgd med si nye leike, og det er no det viktigaste!

PÅSKEPYNT/VÅRPYNT

Våren er her. Det er ei deilig tid, synest eg! Ja, faktisk så vil eg gå så langt som å påstå at det er mi favoritt årstid. Eg synest rett nok at alle dei fire årstidene har sin sjarm, men det er noko spesielt med våren. Ting vaknar til live igjen; blomane spirer, trea byrjar så vidt å få eit svakt grønskjær, og fuglane, som forlot oss i kulda til fordel for varmare strok, vil etter kvart vende attende. Fuglekvitter er eit klart vårteikn for meg, og nettopp fuglar har vore tema for mitt siste prosjekt: Små fuglekassar som kan brukast både til påskepynt, men som og toler å få bli hengande utover våren og sommaren.

Små fuglekassar på rekkje og rad

***

***

***

Dei små fuglekassana er laga av tjukk grå papp som eg deretter har lima papir i vårlege fargar over. Til tak har eg valt eit tjukt papir i sølv som skal illudere eit sinktak. Pinnen som stikk ut under inngangen til fuglekassen er ein bit av ein tregrillpinne.

Eg synest sjølv at fuglekassane fekk fram vårstemninga og påskestemninga som eg ønska, og med det gjenstår det berre å ønske alle ei GOD PÅSKE!

Pute med store knappar

Inspirert av putene frå "Hay" og putene som min gamle studiekamerat, som står bak bloggen "PåGløtt", lagar, har eg no laga mi eiga pute til å ha i sofaen i stova.

 -Framsida-

-Baksida-

***

Innerputa er ei dunpute kjøpt på Ikea, det same er linstoffet puta er sydd av og stoffet som knappane er trekt med. Biseband og overtrekksknappar er kjøpt på Stoff & Stil. Med andre ord blei det ei ganske rimeleg pute. Teksten på knappane har eg overført til stoffet med rammelim, ein veldig kjekk overføringsteknikk. Då kan ein skrive ut tekst og bileter og overføre til stoff og andre materiale på ein rimeleg måte :-)

PÅSKEKORT

Det nærmar seg påske, og eg har kost meg med litt påskeaktivitetar. Eg har laga påskekort i tre forskjellige format som eg har lagt ut for sal på epla.no. Her kjem nokre bileter av resultata:

- Gåvelappar -

- Påskekort -

  

***

Helene Harefrøken

"Helene Harefrøken glad og lett,

og søt og vimsete og sommerkledt-

Hun har tatt den hvite vinterkåpen av

og sommerdrakten har hun førstegang i dag.

Brun over, og grå under

og lyselyserød på snuten."

Sengesett ein liten prins verdig

I Stoff & Stil sin boligkatalog for høsten 2014 la eg merke til eit barnesengesett eg berre fall for med ein gong eg såg det:

- Inspirasjon -

Det blå sengesettet i frå katalogen

I mine auge er det berre heilt nydeleg! "Dette skal eg sy", sa eg til meg sjølv, og tenkte det skulle bli ei enkel og rask oppgåve. Det var før eg skjøna at det nydelege bandet som er sydd på ikkje kunne kjøpast ferdig, men skulle broderast for hand. Kveldane etter at minsteguten kom til verda gjekk dermed til å brodere. Sengesettet er sydd etter eigne mål, men eg har tatt utgangspunkt i biletet ovanfor.

Sengesettet er sydd i to forskjellige bomullsstoff i herleg, mjuk kvalitet. Godt og mjukt inntil ein liten barnekropp. Vidare følgjer ein del bileter av det ferdige resultatet:

- Resultat -

- Utsnitt -

Eg valte å sy på biseband rundt putetrekket

- Sengesett ein liten prins verdig -

Då må berre minsteguten vekse ut av vogga slik at han får sove her

Handlenett for miljøet si skuld...

...og for å unngå dette på kjøkenet:

Dørhandtaka på kjøkenet fungerer litt for godt som
knaggar, og då endar gjerne påsane opp slik ei stund

***

Heime hos oss prøver me så godt me kan å tenke på miljøet. Me er ganske gode på å sortere søpla vår, og når me handlar har me med oss handlenett. For fleire år sidan fekk me tre tøynett på eit Iittala-utsal i Sverige då me handla der, og dei fann me ut var supre å bruke som handlenett. Men, me klarte diverre å miste to av dei. Då blei det til at eg brukte måla på det me fortsatt hadde att og sydde nye. Eit med lomme på utsida, og eit utan lomme:

***

***

Overlocksaumen er nytta som 

dekor på hankane

Netta er sydd i eit tjukt lerretstoff kjøpt på Ikea, så dei skal vere ganske solide. Sidan både mor og far i huset skal bruke desse handlenetta prøvde eg, etter beste evne, å gjere dei så kjønnsnøytrale som muleg. Far i huset har godkjent dei, så då har eg vel lukkast med det...

Nye antrekk til go'gutane

Vesle broremann i huset har byrja å sove fleire timar i strekk om dagane, noko som gjer at ho mor får tid til å sysle med diverse kreative prosjekt. For tida er det symaskinane som blir flittig brukt. Det har blant anna resultert i nokre nye bukser til begge gutane. Storebror har óg fått seg ein genser som står i stil til buksa:

Storebror

***

***

***

Vesle broremann

***

***

Som vanleg har eg klart å sy kleda noko store, men då har dei noko å vokse i ;-)