"Ut i vår hage..."

I desse lyse sommartider prioriteres utelivet. Med det nye huset me kjøpte vinteren 2009 fulgte det med ein liten flekk som med tid og stunder skulle bli til ein hage. Huset var heilt nytt og derfor var det ikkje opparbeida nokon hage, berre ein flat flekk med jord og medfølgande ugras. Så, hagen skulle bli vårt prosjekt. Vidare følgjer ein del bileter frå startfasen og fram til i dag. Store forandringar har skjedd, men ennå gjenstår mykje arbeid før hage og gårdsplass er ferdig. (Ferdig og ferdig, det blir ein vel gjerne aldri når ein eig hus og hage. Nye prosjekt vil vel dukke opp ...)

 

Biletet ovanfor viser huset slik det såg ut då me kjøpte det. Eit gjerde blei den første sommaren sett opp for å dele opp hagen vår og hagen til naboen, slik at me fekk kvar vår del.

 ***

 



 "Potetåker"

 

 

***

 

 Terrassebygging og ny hekk 

 

 

***

 

Gangsti



 

***

 

Det blømer i hagen, sommaren 2013



  

 

 

***

 

Gamle manillamøbler i ny innpakning

 

 

Dei gamle manillamøblene, som er arva frå mi farmor, fekk seg for eit par år sidan eit forlenga liv ved hjelp av nokre strøk med gråmaling. Resultatet blei svært bra, men alt regnet på vestlandet gir dei dessverre hard behandling. Bambusen dei er laga av ser ut til å byrje og rotne innanfrå, så me får glede oss over dei så lenge me kan. Kanskje dei på mirakuløst vis let seg reparere på eit eller anna vis. Eg lever ennå i håpet...

Nokre 17. maiøyeblikk

Sjølv om regnet byrja å øse ned i det barnetoget i Haugesund starta, vart dagen fylt med store og små 17. maiøyeblikk. Her kjem nokre av dei eg og mine har opplevd i løpet av dagen:

 ***

 

***

 



 

 

Det er ikkje berre maten som har stått for den rette stemninga. Det har også finaste go'guten klart ;) :

 

 

Opplæringa av korleis flagget skal handterast får me ta sidan...

 

 

GRATULERER MED DAGEN!



 

Hurra for 17. mai!

Om ei dryg veke er det 17. mai, og då er det på sin plass med litt pynt og stas. Då må vel ei vimpelrekke vere midt i blinken... Eg har tidlegare sydd ei vimpelrekke til go'guten, då han vart eitt år gamal, men denne gongen ville eg prøve å lage den i papir. Noko som er endå raskare og enklare. Eg hadde håpa eg skulle finne noko papir med raudt og blått som hovedfargar, men med grafiske overflatar. Det hadde eg ikkje på lur, så då falt valet på å printe ut kjende 17. maisongar og nasjonalsongen på dei vimplane som skulle vere kvite. Slik fekk eg ei litt meir spanande overflate på noko av papiret:

***

Vimpelrekka kjem nok til å få henge i gardinstanga ved spisestuen når dagen er her. Saman med eit 17. maipynta spisebord skal det nok bli rette 17. maistemninga i stova :)





***

 Her ser vi utdrag frå songane "Norge i rødt, hvitt og blått" og "Ja, vi elsker". På grunn av den trekanta formen på vimplane blir teksten kutta enkelte stader.

Ny funksjon for gamle blikkboksar

Blikkboksar kjem i forskjellige storleikar, er runde og fine i formen og ganske solide. Så, kvifor ikkje lage noko funksjonelt og nyttig ut av desse boksane som hopar seg opp og tar plass i heimen før dei blir kasta til metallgjenvinning?

Eg er glad i å lage ting av papir, og har difor masse fint papir liggande. Noko av dette papiret fekk være med på å sprite opp nokre av blikkboksane eg rota fram i metallavfallet me enno ikkje hadde kvitta oss med.

På den minste av boksane er papiret lakka over med decoupagelim. Planen er å gjere det same med dei to største også, slik at overflata blir meir holdbar. Sjølve papiret er berre limt i skøytane slik at papiret ikkje la seg inn i rillene på boksen, men heldt seg slett og fint.

 

 

-----

Boksen med diverse framkomstmidler på er til å ha go'guten sine fargeblyantar oppi. For å gjere overflata ekstra holdbar har eg teke lim over heile boksen og limt arket over. Papiret føyde seg då etter boksen og la seg inn i rillene slik at dei kom til syne.  Det blei ein fin effekt som viser at det er ein blikkboks som ligg til grunn. Deretter lakka eg over med decoupagelim. Då burde fargeblyantholdaren være godt "skodd" til å møte go'gutens, til tider, hardhendte bruk ;) .

 

-----

 



Ein annan variant til å ha fargeblyantane oppi. Her har eg latt med inspirere av nokre koppar eg dreide i keramikk for nokre år sidan.

Nye vårluer til go'guten

Det byrjar så smått å bli litt mildare i lufta, og go'guten kunne trenge nokre tynnare luer. Eg fann ei enkel oppskrift på nettet som eg tok utgangspunkt i. I løpet av halvannan time hadde eg sydd to doble luer som skal få pynte opp eit allereie vakkert hovud ;) . Luene er sydd i Jersey stretch frå Stoff & Stil. Eg har meir tøy med andre motiv liggande, så det dukkar nok opp nokre nye variantar i næraste framtid. Slik vart uansett resultatet av dagens produksjon:

 

Først ute er ei kvit lue med svarte strekteikningar av forskjellige typar monstre. Ei lys og lett lue som kan passe no på våren.

 

-----

 

 

Ei kvit lue med bondegårdsmønster passar også godt til årstida vi no er inne i. Det store spørsmålet no er om eg blir nødd til å sy i snorer slik at lua blir verande på hovudet. Go'guten var nemleg ikkje særleg interessert i å ha luene på hovudet før bildene vart tekne. Heldigvis var det heilt greitt å ha dei på då far i huset fann fram kameraet sitt og byrja å knipse!

 

-----

 







Kjole til fest...

...eller kanskje til ein varm sommardag. Det var ein lett sommarkjole som var i tankane mine då eg byrja å sy på kjolen for nokre veker sidan. Eg fall for eit tekstil i kvitt/offwhite med svarte litt barnlige strekteikningar på, som eg kjøpte på Stoff & Stil. Mønsteret til kjolen fann eg også her. Då kjolen endeleg vart ferdig, såg eg at det vart like mykje ein finkjole som ein sommarkjole. Foret inni, saman med det litt tjukke tekstilet sjølve kjolen er sydd i, gjer den både litt varm/tett å ha på og "tung" i fallet. Så, den endar kanskje opp med å bli brukt mest til stas...

 

 

 

 

 

 

 

God påske!

I desse påsketider har ein svært kreativ kollega lært meg og inspirert meg til å lage små fuglereir av tynne kvistar. Mine vart ikkje like flotte som hennar, men dei gir meg heilt klart klare vårfornemmelsar, og med egg og kyllingar oppi pyntar dei fint opp i stova. Fyrste eksempel viser eit meir "dempa" fuglerede med eit lite egg laga av underteikna i keramikk. Ein meir naturleg variant...

 

 

 

Så kjem den meir "glorete" varianten, med glinsande egg og fluffy, syntetisk kylling :) 



 

 

 

GOD PÅSKE!